राजस्थानी तीज-त्यूँवार, नेगचार, गीत-नात, पहराण, गहणा-गांठी अर बरत-बडूल्यां री सोवणी सी झांकी है तीज-त्यूँवार...

गणगौर रो गीत


म्हारा माथा नै मैमंद ल्यावो म्हारा हंजा मारू येईं रहो जी।
म्हारा हाथां नै चुङलो ल्यावो म्हारा हंजा मारू येईं रहो जी।
गणगौरयां रो बडो है त्युंआर म्हारा हंजा मारू येईं रहो जी.....

जाबा देओ नखराळी नार जाबा देओ ऐ,
जाबा देओ चिरतांळी नार जाबा देओ ऐ,

म्हारा साथीङा ऊबा ड्योड्याँ पार म्हारी मिरगानैणी जाबा देओ ऐ
थानैं आये पुजावां गणगौर म्हारी मिरगानैणी जाबा देओ ऐ।
म्हारा कानां नै झूमर ल्यावो म्हारा हंजा मारू येईं रहो जी।
म्हारा पगां नै पाजेबां ल्यावो म्हारा हंजा मारू येईं रहो जी।
गनगौरयां रो बडो है त्युंआर म्हारा हंजा मारू येईं रहो जी.....

जाबा देओ नखराळी नार जाबा देओ ऐ,
जाबा देओ चिरतांळी नार जाबा देओ ऐ,

म्हारा साथीङा ऊबा ड्योड्याँ पार, म्हारी मिरगानैणी जाबा देओ ऐ।
थानैं आये पुजावां गणगौर, म्हारी मिरगानैणी जाबा देओ ऐ।

5 comments:

  1. मोनिका जी,
    म्हारो जनमदिन गणगौर नै ही आवै है।:)
    चोखो गीत लगायो है। ईसर महाराज की जय।

    ReplyDelete
  2. bahut hi sandar hai sa aap likhte rho
    puresh patel
    reporter
    etv news
    rashtradoot

    ReplyDelete
  3. Monika Ji ram ram sa.. Ito Chokho Blog the Likhano Band kiya kar diyo. O Blog to Bhale Mahre Rajasthan ri sugandh hai. the in pacho likhanon shuru krodon sa Mahri aapsu aa hi j ardas hai sa..

    ReplyDelete
  4. kai baat che saaa.......... bhot chokho......bhot phootro kaaam.....

    ReplyDelete
  5. मोनिका बहन जी मैँ एक छोटो सो कलम कार हुँ ८वि ताई पढयोडो हुँ अगर आपरो मार्ग दर्शन मिल जावे तो म्हारी कलम रे चार चान्द लाग जावे म्हारा व्हाटसप रा नम्बर हैँ ९४६११९५५१८ अगर आपरा व्हाटसप रा नम्बर मिल जावे तो म्हारी खुद रि रचियोडी आपनी बोली रचीयोडी माँ शारदे री ऐक रचना भेजण री चावन्याह

    ReplyDelete

थारा बिचार अठे मांडो सा ....

लिखिए अपनी भाषा में